Norleif Askeland har ein blogg eg i lang tid har hatt glede av å lesa. Han hadde nettopp eit innlegg han kalla for ordtak om livet som er verdt å sjå på!
Så er valet over og det er klart at den rød/grønne alliansen har vunne! No treng vi å be alt vi kan om Guds signing over den nye regjeringa! Vi må be at Jens Stoltenberg må få visdom til å velja dei rette folka til dei rette departementa, og vi må be om velsigning over arbeidet deira. Vi må be at dei kjem opp med gode og rettferdige løysingar på utfordringane i samfunnet og at dei må få nåde til å styra godt til signing og framgang for heile landet!
Skjebnevalg for Norge?
Åpent brev fra kristne ledere om
kjønnsnøytral ekteskapslov
Landsmøtene for Ap, RV, SV og Venstre har i vår programfestet at Norge bør innføre en såkalt kjønnsnøytral ekteskapslov. En slik lov vil ikke lenger definere ekteskapet som et samliv mellom mann og kvinne, men være «nøytral» i forhold til kjønn. Personer av samme kjønn vil kunne inngå ekteskap på lik linje med mann og kvinne. Partnerskapsloven blir overflødig. Som ledere i ulike religiøse sammenhenger i Bergen, har vi sterke motforestillinger mot å omgjøre og oppløse definisjonen av ekteskapet. Vi har ikke noe ønske om å kjempe mot homofile medmennesker – de har nøyaktig samme verdi og menneskeverd som alle andre – men vi ønsker å forsvare en grunnleggende samfunnsordning. Også mange homofile avviser for øvrig en kjønnsnøytral ekteskapslov.
Ed Silvoso har nettopp vore i Bergen. Han har ei apostolisk teneste og ei gåve frå Gud i å formidla tru og frisk innsikt i Guds ord. Han hadde eit ord til oss kristne i Bergen om eit skifte som har hendt i den usynlege verden over Bergen! Gud sa at han hadde skifta ut noko i himmelrommet over Bergen.
No er kampen ikkje lenger mot djevelen, men mot oss sjølv og minnene våre! I vår stode er trua sin fiende nr 1 er ikkje vantrua, men minnene våre som vil halda oss tilbake. Om vi vil sjå det vi ikkje har sett før må vi våga å gjera det vi ikkje har gjort før! Himlen er open. Englane stig opp og ned over oss. Noko nytt er i ferd med å veksa fram!
Vil du vita meir, bør du lesa det som gøymer seg bak denne lenka: Det tidsskiftet Gud har tala om er eit faktum!
Heilt frå eg var liten har eg hatt ei kjensle av Guds kall over livet mitt og i heile mitt vaksne liv har eg på min ringe måte tent Gud. Det er stor å vera ein Guds medarbeidar. Det er stort å kunna arbeida saman med andre i eit større arbeidslag. Det er nåde å få vera med i eit veksande misjonsarbeid og sjå Guds rike gå fram!
Byane Betlehem og Hiroshima står for
avgrunnsredsle og framtidshåp
Hiroshima står for menneskeleg kløkt og avmakt
Betlehem står for Guds nåde og allmakt
Betlehem og Hiroshima er lagnadsbyar på godt og vondt
Den eine bygd og øydelagd
av store, sterke og kunnskapsrike menn
gjorde oss alle til offer for atomterror
Den andre bygd av fattigfolk
med signing av Den Gode og Vise
gav oss eit barn,
og gav oss von om fred på jord!
I desse dagar er det 60 år sidan amarikanarane sleppte atombomber over Hisroshima og Nagasaki med tre dagars mellomrom. I alle desse åra sidan denne skræmande hendinga har alle menneske vore offer for atomterroren! Alle kristne bør arbeida mot krig og serskildt mot bruk av atomvåpen! Krig er ein barbarisk, vond og usivilisert måte å prøva å løysa konfliktar på. Verdssamfunnet treng nye lover for konfliktløysing som kan gjera at krig og militær maktbruk får ein ende!
Guds ord er levande og kraftig.
Det fullfører det verk det er sendt til å gjera i livet mitt.
I opphavet var Ordet.
Ordet var hjå Gud, og Ordet var Gud.
Han var i opphavet hjå Gud.
Alt vart til ved han,
og utan han vart ikkje noko til
av det som har vorte til.
Han talte og det skjedde,
han baud og det stod der.
I tru forstår vi at heile universet
er skapt ved Guds ord,
at den synlege verda har vorte til
av krafta i det talte Ordet frå Guds munn.
I tru anar vi noko av makta i det talte ordet.
(Frå "Kristusmeditasjonar og Kristusidentitet" av Erling Thu, kan bestillast på et@krinet.no
På sommarkonferansane til Kristent Nettverk i Harstad og i Stokke dei neste vekene vil den nye boka mi verta lagd ut til sals! Boka har fått ein lang og snirklete tittel: "Kristusmeditasjonar og Kristusidentitet".
Eg fekk nokre bøker frå trykkeriet for litt over ei veke sidan, men ho vert først lansert på sommarkonferansane våre! Det er ei underleg kjensle å opna ei nytrykt bok som kjem rett frå trykkeriet. Det er som å halda eit nyfødt barn i armane for første gong!
Når elvane fossar i årene dine
Når fjorden speglar fjella i sjela di
Når sola strålar varme frå augo dine
Når vinden har vorte eitt med ånda di
Når regn, sludd eller snø fyller orda dine
Når du har kledd deg i himmelskyer
Når du ber stjerner som krone
Når du ser deg sjølv som einearving
-til heile Guds vedunderlege verden
Når du ser alle andre folk som einearvingar
Når du kan syngja og tilbe Gud med heile kroppen
-og alt som bur i deg
Då veit du å verdsetja naturen
– Guds eige meisterverk